الكعك الخامر خفييف وهشيش
السلام عليكم ورحة الله تعالى وبركاته
كلنا كانعرفو الكعك الذيذ والمنسم ديال المنطقة الشرقية اليوم أنا جبتلكم وصفة ديال الكعك الخامر لي كايجي هشيش ورطب بزاف المقادير2 بيضات 2 كؤوس زيت 2كؤوس سنيدة 2خمارات ديال لحلوة شوية ملح3 معالق كبار زرارع مطحونين نص لتر حليب دافي نص ملعقة كبيرة خمارة كلغ دقيق
تنخلطو المقادير ونعجنو بالحليب حتى تجمعلنا العجينة نديروها شوية قسحا ونبداو نعجنو وحنا كانزيدو في الحليب حتى تطلق ويلا ماكفاناش الحليب نزيدو الماء وملي نساليو العجن نخليوها تخمر المرة الأولى من بعد نبداو نحربلوه و نشكلوه على شكل الكعك ونحطوه ف الصينيه لي غادي تدخل الفرن عاد نقطعوه بشي موس ماضي نخليوه يخمر مرة ثانية ونشعلو للفرن يسخن وندهنو بصفار البيض و نزوقوه بجنجلان وندخلوه يطيب وهاهو ملي طاب أنا قسمتو نص درتو خبيزات ونص كعك وجا خفيف و رائع ملاحضة أنا درت العجين مرخووف بزاف داك شي علاش عذبني باش شكلتو خاصو مايكونش جاري بزاف باش يتشكل بسهولة وبالصحة والراحة
بضغطة زر تشارك الفائدة وتدعم المدونة
0 التعليقات لــ "الكعك الخامر خفييف وهشيش"