السلام عليكم ورحمة الله تعالى وبركاته
هادي طرطة كاتجي بحال ديال الباتيسري بسيطة ورخيصة ومذاقها هائل نتمنى تعجبكم
مقادير الجينواز
5 بيضات
150غ سنيدة
75غ مايزينا
75 غ دقيق ابيض
خمارة وحدة حمرا ء
فانيليا
كنطربو البيض مع سنيدة بالطراب الكهربائي مزيان حتى يوليو بحال الكريم و يتضاعف حجمهم تقريبا 10 دقائق من بعد نزيد عليهم مايزينا و الدقيق ابيض و خمارة وحدة حمرا ء مغربلين و نخلط من الفوق لتحت ومانكثرش التخلآط باش مايهبطش البيض وندخلوها طيب
ملي طيب الجينواز كانخليوها تبرد مزيان ومن الأحسن تبات عاد نقسموها على 3 كانوجدو الكريم ديالنا الشونتيي ولا السائلة لي بغينا وكانطلعوها ونضيفولها 2 معالق كاكاو غبرة
نوجدو صوص شوكولا لي هو كريم مع شكلاط مذوبين مع بعضياتهم في حمام مريم
نبداو المونتاج في الإطار ديما باش تجي الطرطة مقادة كانسقيو الطبقة الأولى مزيااان بأي سيرو بغيتي أنا سقيتها بعصير الخوخ الجاهز قد ماسقيتيها قد ماتجيك رطبة ونديرو كوش كريم و من فوقو قطع الفريز و خطوط من صوص الشكلاط ونكملو نفس الطبقات بنفس الطريقة ندخلوها تبات في الثلاجة شحال مابقات تشرب الكريم والسيرو كاتجينا لديدة في الغد كانديرو التزيين الفوق درت خطوط شكلاط أبيض عاد رت الكركاع المهرمش والمحمر في الجناب و خديت الفريز نقيتو وغطستو في الشكلاط الأسود ودرتلو خطوط شكلاط أبيض و القلب قطعت ورق الزبدة على شكل القلب ودهنتو بالشكلاط وهزيتو حطيتو فوق طبسيل مسطح حتى نشف حيدت الورق وكتبت مبروك و الباقي واضح في الصورة
0 التعليقات لــ "طرطة بالكريم شونتيي والفريز منظر ومذاق"