كيك التمر بصوص الكرامل الرائع

السلام عليكم عزيزاتي 

يوم جبتليكم كيك لذيذ بزاف و صحي بالتمر كايجي رائع ومذاقه غزال على بركة الله ندوزو للمقادير

المقدير بالكوب ولا الفنجان ديال القهوة المتوسط ممكن تعوضوه بكاس ونص ديال العنبة

2 كوب تمر منقي ومقطع مزيان

2 كوب ماء 

4 بيضات ال

3 أكواب دقيق

نص كوب سنيدة 

100 غرام زبدة رطبة

ملعقة صغيرة قرفة

ربع ملعقة سكينجبير 

قبيصة ملح

1 فاني

2 خمارات

الطريقة
أول حاجة التمر خاصو يكون رطب بزاف ومقطع كاتمعسيه شوية وكاديريه في كاسرونة تخوي عليه الماء الطايب يغلي دقيقة حيديه وزيدي فيه خمارة حمرا غادي يفور خلطيه مزيان وخليه يبرد
ملي يبرد شدي الزبدة طربيها مع السكر حتى يدوب زيدي البيض حبة حبة وخلطي ملي يندامج جيبي نص الدقيق مغربل مع الخمارة والقرفة وسكينجبير وزيديه وخلطي من بعد زيدي التمر لي يكون ذاب وبرد ومعستيه مزيان وخلطي عاد ضيفي لي بقا من الدقيق دخليها طيب ووجدي لاصوص ديال الكاراميل
تاخدي مقلاة تكون ماتلصقش وترشي فوقها كاس سكر سنيدة وتخلي النار مهيلة وأبدا عندك تحركيه بالملعقة حيت غادي كاع يتكور ومايبقاش صالح بقاي حاضياه ومرة مرة ميلي المقلاة باش يدوب كاع السكر وعنداك تحرقيه هنا كاضيفي لا كريم فريش تكون سخونة أنا كاندير عيني ميزاني على حسب واش بغيتها ثقيلة ولا خفيفة وزيدي طريف ديال الزبدة غادي يقساح الكاراميل ماتخافيش نقصي البوطة بزاف وبقاي تحركي بمعلقة ديال الخشب غادي يدوب ماديريهش جامد بزاف حيت ملي كايبرد كايقساح شوية واخا قساخ ماعليش سخنيه وزيدي الكريمة

وهادا هو الشكل النهائي و بالصحة والراحة 

بضغطة زر تشارك الفائدة وتدعم المدونة

شارك

إعجاب

شاركه +

غرد تغريدة

غرد

تدوينات ذات صلة