كيك روعة بصلصة الكراميل

السلام عليكم ورحمة الله تعالى وبركاته 

هاد الكيكة كاتجي عالية ومنفوخة والأهم أنها كاتجي لديييييدة المهم تحترمو المقادير والمراحل

المقادير 
 البيضات 
2 كيسان سنيدة
كاس ونصف زيت 
كاس عصير الحامض
2 فاني
3 خمارات
زلافة دقيق 
كانعزلو البياض عن الصفار وكانطلعو البياض ديال البيض مع قبصة ملح حتى يولي بحال الثلج و نخلطو باقي المقادير مع بعضياتهم مزيان عاد في الأخير نزيدو البياض على 3 المرات وحنا كانخلطو من الفوق للتحت و ندخلوها طيب على خاطرها وملي طيب نخليوها تبرد في الفران باش ماتهبطش

مقادير صلصة الكراميل
كاس سنيدة 
كاس حليب
ملعقة مايزينة
 وفاني 
كانديرو سنيدة فوق البوطة حتى يولي كاراميل ونبداو نزيدو في الحليب بشوية حتى نكملوه ويدوب السكر كامل و نزيدو مايزينة مدوبة في شويية الماء وفاني و نخليها تغلى مع التحراك ونطفيو ملي تبرد كاتزيد تعقاد وكانزينو بيه الكيكة ديالنا وبالصحة والراحة

بضغطة زر تشارك الفائدة وتدعم المدونة

شارك

إعجاب

شاركه +

غرد تغريدة

غرد

تدوينات ذات صلة